प्रधानमन्त्री प्रचण्ड : रासायनिक मलको आपूर्ति सुदृढ छ , विगतझैँ मल अभाव हुन्न

काठमाडौं । प्रधानमन्त्री पुष्पकमल दाहाल प्रचण्डले रासायनिक मलको आपूर्ति विगतको भन्दा सुदृढ भएको दाबी गरेका छन् । साथै यो वर्ष धान बालीका लागि मल अभाव नहुने समेत उनको दाबी गरेका छन् ।

संसदमा भएको प्रश्नोत्तर कार्यक्रममा जनमत पार्टीका सांसद अब्दुल खानले मल अभावबारे प्रश्न गरेका थिए । जवाफमा प्रधानमन्त्री प्रचण्डले रासायनिक मलको आपूर्ति विगतको भन्दा सुदृढ भएको दाबी गरेका छन् । ३ लाख ५१ हजार मेट्रिक टन आयात भएको उनले दाबी गरे ।

यस्तै आज प्रतिनिधि सभाको बैठक जारी रहेको छ । बैठकमा प्रधानमन्त्री पुष्पकमल दाहाल प्रचण्डसँग सांसदहरुको प्रश्नोत्तर सुरू भएको हो। प्रश्नोत्तरका लागि एक घण्टाको समय छुट्याइएको छ ।