दमौली नजिक कन्टारमा सडक भासियो, पृथ्वी राजमार्ग बन्द
दमौली । तनहुँको दमौली बजार नजिक व्यास नगरपालिका वडा नम्बर ५ कन्टार स्थित पृथ्बीराजमार्गमा सडक भासिएको छ ।
अहिले उक्त सडक खण्ड पुर्ण रुपमा अबरुद्ध रहेको छ । दुई तर्फी सवारी साधान आवत जावत पुर्ण बन्द भएको जिल्ला प्रहरी कार्यालय तनहुँले जनाएको छ ।
बुधबार साढे १२ बजेको समयमा उक्त स्थानमा सडक भएको हो ।
चाईनिज कम्पनिसँग समन्वय गरी भासिएको सडक मर्मत गरी सवारी साधन सुचारुको लागि पहल भएको प्रहरीले जनाएको छ ।
यता स्थानीयले भने निर्माण कम्पनीको चरम लापरवाहीले सडक भासिएको आरोप लगाएका छन ।
अविरण वर्षाको कारण पृथ्वीराजमार्गको दमौली-गुणादी खण्डको कन्टार स्थित कटहरे खोल्सा र माथी खहरे खोल्सादेखीको नाला भइ आउने पानी पहिरोका कारण टालिएर सडक भत्किएको छ ।