नेपाली क्रिकेट टिमले भारतमा दुई साता प्रशिक्षण गर्ने
काठमाडौँ । नेपाली राष्ट्रिय क्रिकेट टिमले भारतको बैंगलोरस्थित राष्ट्रिय क्रिकेट एकेडेमीमा दुई साता प्रशिक्षण गर्ने भएको छ । नेपाली टोली सो प्रशिक्षणका लागि भारत प्रस्थान गरेको छ ।
नेपाली क्रिकेट टिमले आगामी सेप्टेम्बरमा हुने क्यानडा र ओमानविरुद्धको आइसीसी क्रिकेट विश्वकप लिग-२ को सिरिजको तयारीका लागि भारतीय क्रिकेट बोर्डको क्रिकेट एकेडेमी एनसीएमा दुई साता प्रशिक्षण गर्ने भएको हो । सो प्रशिक्षणका लागि नेपाल क्रिकेट संघ (क्यान) ले २२ खेलाडीलाई छनौट गरेको छ ।
क्यानले कप्तान रोहित पौडेलसहित २२ खेलाडी छानेको छ ।
प्रशिक्षण क्याम्पका लागि बोलाएका खेलाडी : रोहित पौडेल (कप्तान), कुशल भुर्तेल, आसिफ सेख, अनिल शाह, देव खनाल, भिम सार्की, आरिफ सेख, कुशल मल्ल, दिपेन्द्र सिंह ऐरी, अर्जुन साउद, सोमपाल कामी, करण केसी, गुलशन झा, कमल सिंह ऐरी, रिजन ढकाल, सन्दीप लामिछाने, ललित राजबंशी, सुर्य तामाङ, बसिर अहमद, आकाश चन्द, सागर ढकाल र सन्दीप जोरा रहेका छन् ।