यू-१९ एसिया कप खेल्ने नेपाली टिमको घोषणा
काठमाडौं । नेपाल क्रिकेट संघ (क्यान)ले यू-१९ एसिया कप खेल्ने नेपाली क्रिकेट टिमको चयन गरिएको छ । नेपाल क्रिकेट संघ (क्यान) यू-१९ एशिया कप खेल्ने नेपाली टिम सार्बजनिक गरेको हो ।
क्यानका अनुसार नेपालले हेमन्त धामीको कप्तानीमा १५ सदस्यीय टिम छानेको छ । जसमा हेमन्त धामी (कप्तान), अर्जुन कुमाल (उपकप्तान), आकास त्रिपाठी, उत्तम रंगु थापा मगर, मयन यादव, नरेन साउद, युनिस विक्रम सिंह ठकुरी, नरेन भट्ट, सन्तोष यादव, युवराज खत्री, रोशन विश्वकर्मा, विपिन कुमार महतो, अपराजित पौडल, अविशेख तिवारी र रन्जीत कुमार रहेका छन् ।
त्यस्तै नेपाली टिमको मुख्य प्रशिक्षकमा शक्ति गौचन रहेका छन् भने सहायक प्रशिक्षकमा धिरेन्द्र चन्द रहेका छन् । मंसिर १४ देखि २३ गतेसम्म हुने यू-१९ एशिया कपमा नेपालसहित आठ देशले भाग लिदै छन् ।
एकदिवसीय फर्म्याटमा हुने प्रतियोगिताको आयोजना युएईले गर्दै छ ।
