मधेश प्रदेशलाई हराएको आर्मी जय ट्रफीको फाइनलमा

काठमाडौँ । त्रिभुवन आर्मी क्लबले जारी जय ट्रफी एलिट कप अन्तर्गत मधेश प्रदेशलाई पराजित गरेको छ । मधेशलाई पराजित गरेसँगै आर्मी जय ट्रफीको फाइनलमा पुगेको छ ।

आज भएको खेलमा आर्मीले मधेशलाई ८ विकेटले पराजित गरेको हो । मधेशले आर्मीलाई दिएको २८ रनको लक्ष्य २ विकेट गुमाएर पुरा गरेको थियो । पहिलो इनिङमा सस्तैमा समेटिएको मधेशले दोस्रो इनिङमा आर्मीविरूद्ध १५० रनमा अलआउट भएर २८ रनको लक्ष्य दिएको थियो । यो जितपछि आर्मीको ३ खेलमा ५५ अंक भएको छ र जय ट्रफीको फाइनलमा पुगेको हो । हाल पुलिस क्लब २ खेलमा ४० अंकसहित दोस्रो स्थानमा रहेको छ र बागमतीविरुद्धको खेलमा जित हासिल गरेमा पुलिस फाइनलमा पुग्ने छ ।

जय ट्रफीको फाइनल खेल तिन दिवसीय हुने र आगामी मंगलबार हुने तालिका रहेको छ ।