बलिउड अभिनेता सैफ अली खानमाथि छुरा प्रहार

काठमाडौँ । बलिउड अभिनेता सैफ अली खानमाथि छुरा प्रहार भएको छ ।

मुम्बईको बान्द्रास्थित घरमा परिवारसँगै रहेका खानमाथि गए राति आक्रमण भएको हो । हिन्दुस्तान टाइम्सका अनुसार राति करिब २:३० बजे एक आक्रमणकारी खान र उनकी श्रीमती करिना कपुरको बान्द्राको घरमा प्रवेश गरेका थिए । यो समयमा खान परिवारसँगै घरमा थिए ।

सैफलाई मुम्बईको लीलावती अस्पतालमा भर्ना गरिएको छ । त्यहाँ उनको शल्यक्रिया भइरहेको छ । उनलाई चक्कुले ६ पटकसम्म प्रहार गरिएको बताइन्छ । सैफको घाँटी र मेरुदण्डको नजिक गहिरो चोट लागेको छ ।