बहराइनले सिंगापुरलाई दियो २८७ रनको लक्ष्य
काठमाडौँ । जारी एसीसी प्रिमियर कप अन्तर्गत समुह बि मा रहेको बहराइनले सिंगापुरलाई २८७ रनको लक्ष्य दिएको छ ।
टियु क्रिकेट मैदानमा टस जितेर पहिला ब्याटिंग गरेको बहराइनले ५० ओभरमा ८ विकेट गुमाउदै २८६ रन बनाएको हो ।
बहराइनका लागि फैज अहमदले सर्बाधिक ७९ रन बनाएका थिए । त्यस्तै शाहबाज बाडरले ७६ रन बनाए भने सोहेल अहमदले ४६, कप्तान हैदर बटले २९ तथा मुहमद योउनिसले २३ रन बनाएका थिए ।
त्यसैगरी सिंगापुरका बलर रमेश कालिमुथु, थिलीपान ओमईदुरइ र विनोथ बास्करनले २-२ विकेट लिएका थिए ।
अब २८७ रनको लक्ष्य पाएको सिंगापुरले केहि बेरमा जवाफी ब्याटिंग गर्दै छ ।
सिंगापुर यसअघि आफ्नो पहिलो खेलमा हङकङसँग पराजित भएको थियो भने बहराइनले आफ्नो पहिलो खेल खेलिरहेको छ ।