१९औँ टोयोटा ड्रिम कार आर्ट कन्टेष्टका विजेताको घोषणा

काठमाडौं । युनाइटेड ट्रेडर्स सिन्डिकेट प्रा.लि. (अधिकृत वितरक, टोयोटा) ले १९औँ टोयोटा ड्रिम कार आर्ट कन्टेष्टका विजेताको घोषणा गरेको छ । एक विशेष समारोहमा उत्कृष्ट कलाकृतिहरू प्रस्तुत गर्ने बालबालिकालाई सम्मान गरिएको थियो । यस वर्षको प्रतियोगिता देशभरका विभिन्न विद्यालयबाट उत्साहजनक सहभागितासहित सम्पन्न भएको हो । प्रतियोगिताले बालबालिकालाई ‘भविष्यको गतिशीलता’ विषयमा आफ्ना सिर्जनात्मक सोच र कल्पनालाई चित्रमार्फत अभिव्यक्त गर्ने अवसर प्रदान गरेको थियो । हरेक उमेर समूहका प्रथम स्थान हासिल गर्ने विजेताहरूका उत्कृष्ट कलाकृति अन्तर्राष्ट्रिय स्तरमा जापानमा आयोजना हुने विश्व प्रतियोगितामा नेपालको प्रतिनिधित्व गर्नेछन्। टोयोटा ड्रिम कार आर्ट कन्टेष्टले विश्वभरका बालबालिकाहरूलाई भविष्यको सवारी साधन कस्तो हुन सक्छ भन्ने आफ्ना कल्पनाहरूलाई चित्रमार्फत प्रस्तुत गर्न प्रेरित गर्दै आएको छ।