मुक्तिनाथ विकास बैंकको सीइओमा मानन्धर

काठमाण्डौ । मुक्तिनाथ विकास बैंक लिमिटेडको प्रमुख कार्यकारी अधिकृत (सीईओ)मा तारा मानन्धर नियुक्त भएका छन् । बैंकको वैशाख ३ गते बसेको संचालक समितिको बैठकले स्याङ्जा जिल्ला, हरिनास गाउँपालिका स्थायी ठेगाना भई हाल टोखा नगरपालिका वडा नं ३ निवासी मानन्धरलाई जेठ १ गतेदेखि लागू हुनेगरी ४ वर्ष कार्यकाल रहने गरी सीइओ पदमा नियुक्त गरेको हो । बैंकको सीइओ रहेका प्रद्रयुमन पोखरलेको कार्यकाल वैशाख मसान्तदेखि सकिने भएकाले मानन्धरलाई नियुक्त गरिएको हो । यसअघि मानन्धर मुक्तिनाथ विकास बैंकमै डेपुटी सीइओ थिए ।