महालक्ष्मी विकास बैंकका ग्राहकहरुलाई विभिन्न संस्थाका सेवाहरुमा विशेष छुट

काठमाण्डौं । “सबल बैंक, सफल सहकार्य” को नारालाई आत्मसाथ गर्दै नेपाली जनताको घरदैलोमा अनवरत रुपले गुणस्तरीय वित्तीय सेवा प्रदान गर्दै आएको यस महालक्ष्मी विकास बैंक लिमिटेडले स्वास्थ्य क्षेत्र, रेष्टुरेन्ट लगायतका संस्थाहरुसँग समन्वय गरी अगाडि बढ्ने अभिप्रायका साथ विभिन्न स्थानमा अवस्थित संस्थाहरुसँग सम्झौता गरेको छ । सम्झौता पश्चात महालक्ष्मी विकास बैंकका डेबिट अथवा क्रेडिट कार्ड तथा मोबाइल बैंकिङ्ग प्रयोग गर्ने ग्राहकहरुले उक्त संस्थाहरुका विभिन्न सेवाहरुमा विशेष छुट प्राप्त गर्न सक्नेछन् । उक्त संस्थाहरु र प्राप्त गर्न सकिने छुट निम्न लिखित छन्ः
१. मनकामना दर्शन प्रा.लि. कुरिनटार, चितवन केवलकार टिकट खरिद १० प्रतिशत
२. समाज डेण्टल हस्पिटल प्रा.लि. बानेश्वर, काठमाण्डौं एक्सरे र फार्मेसी बोहकका सेवाहरु १५ प्रतिशत
३. मत्सुरी टोकियो प्रा.लि. दरबारमार्ग, काठमाण्डौं खाना तथा पेय पदार्थ १० प्रतिशत
४. मंगलम डाईगोनोस्टीक सेन्टर विरगंज, पर्सा प्याथोलोजी सेवा १० प्रतिशत
५. होटल क्वीक २० रिभर साईड जितपुर, सिमरा खाना, आवास तथा पेय पदार्थ ५ प्रतिशत
६. नाईस न्यू होम डेकोर नयाँबजार, काठमाण्डौं कार्र्पेट तथा फ्लोरिङ्गसका सामाग्रीहरु २० प्रतिशत सम्म
७. शुभ काठमाण्डौं टायर सेन्टर ढुंगेधारा, काठमाण्डौं एम.आर.एफ ब्राण्डका टायरहरु १० प्रतिशत सम्म
८. कुलेखानी भिलेज रिर्सोट कुलेखानी, मकवानपुर कोठा शुल्क १० प्रतिशत सम्म
९. रिगल हेटौंडा रिर्सोट प्रा.लि. हेटौंडा–५, मकवानपुर खाना, आवास तथा पेय पदार्थ १५ प्रतिशत सम्म
१०. कविलास रिर्सोट एण्ड फनपार्क भरतपुर, चितवन खाना तथा फनपार्क शुल्क १५ प्रतिशत
यस किसिमको सहकार्यबाट बैंकका डेबिट अथवा क्रेडिट कार्ड तथा मोबाइल बैंकिङ्ग प्रयोग गर्ने ग्राहकहरु प्रत्यक्ष रुपमा लाभान्वित हुने विश्वास बैंकले लिएको छ । यसका साथसाथै डिजिटल युगसँग नेपाली जनतालाई साक्षात्कार गराउने उद्देश्यले बैकले विभिन्न शाखाहरुबाट वित्तीय जनचेतनामुलक कार्यक्रमहरु संचालन गर्दै आएको छ । हालै मात्र बैंकले आफ्ना क्रेडिट कार्ड वाहकहरुले विभिन्न ट्राभल एजेन्सी मार्फत टुर प्याकेज खरिद गर्दा महालक्ष्मी बैंकको क्रेडिट कार्ड प्रयोग गरी खरिद गर्न सक्ने योजनाको सुरुवात गरेको छ । यस अन्तर्गत आफुले खरिद गरेको टुर प्याकेजको मुल्य बराबरको रकमको भुक्तानी ६ महिना देखी १२ महिना सम्मको लचिलो अवधी रहने गरी मासिक रुपमा भुक्तान गर्न मिल्ने गरी रुपान्तरण गर्न समेत सक्नेछन् ।