आर्थिक विकास मित्र साकोसद्वारा विद्यार्थीहरुलाई वित्तीय साक्षरता प्रदान

आर्थिक विकास मित्र बचत तथा ऋण सहकारी संस्थाले वित्तीय साक्षरता कार्यक्रम आयोजना गरेको छ । संस्थाले पाँचखाल ११ स्थित श्री भगवती उच्च माद्यामिक बिद्यालयमा अध्ययनरत विद्यार्थीहरुलाई लक्षित गरी वित्तीय साक्षरता कार्यक्रम सम्पन्न गरेको हो । कक्षा ९ देखि १२ सम्म अध्ययनरत विद्यार्थीहरुलाइ बचत,बजेट निर्माण ,खर्च ब्यबस्थापन , बित्तीय सेवा प्रदायक छनौट , डिजिटल सुरक्षा लगायतका बिषयमा केन्द्रित रहेर शिक्षा शिविर संचालन गरिएको संस्थाले जनाएको छ। विद्यालयका सहायक प्र।अ। राम प्रसाद पन्तको अध्यक्षता संचालित कार्यक्रम सस्थाका बचत इन्चार्ज सबिता नेपालले संचालन गरेकी थिइन् भने समग्र विषय वस्तुमा संस्थाका आर्थिक प्रशासन विभाग प्रमुख मनुप सापकोटाले प्रस्तुतीकरण गरेका थिए ।

संस्थाले समुदाय र सदस्यहरुमा वित्तीय साक्षरताको माध्यमबाट सहकारी र बचतको महत्व बुझाउँदै आएको छ । सदस्यहरुको आर्थिक तथा सामाजिक रुपान्तरणमा क्रियशिल उक्त संस्थाले सदस्यहरुको मन जित्न सफल भएको छ । सहकारी भनेकै सदस्यका लागि भन्ने भावनाबाट अघि बढेको उक्त संस्थाले ११ हजार ५ सय सदस्यलाई वित्तीय सेवा प्रदान गर्दै आएको छ । संस्थाले हालसम्म १ अर्ब २० करोड ४२ लाख कुल सम्पत्ति पु¥याएको छ । संस्थाको शेयर पुँजी १० करोड २२ लाख र जगेडा कोेष ९ करोड २ लाख रहेको छ । संस्था सहकारी मुल्य, मान्यता र सिद्धान्तका आधारमा सञ्चालित भई काभ्रे जिल्लाकै एक अग्रणी संस्थाको रुपमा स्थापित भएको छ ।