नेको इन्स्योरेन्सद्वारा वार्षिकोत्सवको अवसरमा रक्तदान कार्यक्रम सम्पन्न

काठमाडौं । नेको इन्सुरेन्स लिमिटेडले सेवा संचालनको गौरवमय ३० बर्ष पुरा गरी ३१औं बर्षमा प्रवेश गरेको छ । कम्पनीले आफ्नो ३०औँ वार्षिकोत्सवको अवसरमा सामाजिक उत्तरदायित्व अन्तर्गत आयोजना गरेको रक्तदान कार्यक्रम सफलतापूर्वक सम्पन्न गरेको छ । कम्पनीको केन्द्रीय कार्यालय, बीमा भवन, ज्ञानेश्वरमा आयोजित उक्त कार्यक्रममा कर्मचारी तथा सर्वसाधारणको उत्साहजनक सहभागिता रहेको थियो। कार्यक्रममार्फत कुल ५३ पिन्ट रगत संकलन भएको छ ।

रक्तदान कार्यक्रमको प्राविधिक सहयोग नेपाल मेडिसिटी अस्पतालबाट प्राप्त भएको थियो। रक्त संकलनका अतिरिक्त, कार्यक्रममा सहभागी कर्मचारी तथा सर्वसाधारणको स्वास्थ्य परीक्षण समेत निःशुल्क रूपमा गरिएको थियो, जसबाट सहभागीहरूले आफ्नो स्वास्थ्य अवस्थाबारे प्रारम्भिक जानकारी प्राप्त गरेका थिए । समाजमा रगतको उपलब्धता बढाउन तथा स्वास्थ्य सचेतना अभिवृद्धि गर्न आयोजित यस कार्यक्रमले सामाजिक सेवाप्रति कम्पनीको प्रतिबद्धतालाई थप सुदृढ बनाएको विश्वास कम्पनीले लिएको छ । कार्यक्रम सफल बनाउन सहयोग पुर्याउनुहुनेनेपाल मेडिसिटी अस्पताल, सहभागी रक्तदाता, कर्मचारी तथा प्रत्यक्ष एवं अप्रत्यक्ष रूपमा सहयोग गर्ने सबैलाई धन्यवाद दिएको छ।