रुकुम पश्चिममा जिप दुर्घटना हुँदा चारजनाको मृत्यु
रुकुम पश्चिम । रुकुम पश्चिमको बाँफिकोट गाउँपालिका–८, दुलीमा बिहीबार बिहान जिप दुर्घटना हुँदा चारजनाको मृत्यु भएको छ ।
१० जना घाइते भएका छन् । मृत्यु हुनेमा सानीभेरी गाउँपालिका–५ का कर्णे बाठा र देउचन खत्री, बाँफीकोट गाउँपालिका–८ की रेखा खत्री र उनको सानो छोराको मृत्यु भएको बाँफिकोट–८ वडाध्यक्ष धनबहादुर खत्रीले जानकारी दिए ।
सानीभेरी गाउँपालिका–३ घ्युढुंगाबाट मुसीकोटतर्फ आउँदै गरेको लु१ज १७४७ नम्बरको जिप भई दुर्घटनामा परेको जिल्ला प्रहरी कार्यालयका प्रमुख नमराज भट्टराई बताए ।
जिपमा १४ यात्रु सवार थिए । घाइतेमध्ये चारजनाको अवस्था गम्भीर रहेकाले उनीहरूलाई हेलिकप्टरबाट उपचारका लागि अन्यत्र लैजाने तयारी भइरहेको छ ।