ठमेलमा हस्तकला मेला
काठमाडौँ । पर्यटन प्रवर्द्धन गर्ने उद्देश्यले पर्यटकीय प्रमुख गन्तव्य ठमेलमा खाना तथा हस्तकला मेला हुने भएको छ ।
ठमेल पर्यटन विकास परिषद्को आयोजनामा काठमाडौँ महानगरपालिका–२६ स्थित सञ्चयकोष भवनअगाडि त्रिदेवी मार्गमा भोलि खाना तथा हस्तकला मेला आयोजना हुन लागेको हो । परिषद्का महासचिव राजीव पाण्डेले आन्तरिक तथा बाह्य पर्यटन प्रवर्द्धनका लागि एक दिने सडक खाना तथा हस्तकला मेला आयोजना गर्न लागिएको जानकारी दिए ।
मेला बिहान १० बजेदेखि राति १० बजेसम्म सञ्चालन हुनेछ । मेलामा हस्तकलाका सामग्री, तयारी पोसाक सिल्क, पश्मिन, गरगहनालगायत उत्पादनका ३० प्रदर्शनी कक्ष रहने छन् । मेलामा सांस्कृतिक कार्यक्रम पनि हुनेछ ।