मिसेस नेपाल वर्ल्ड-२०२४ को खुल्याे आवेदन
काठमाडौँ । रिवन इन्टरटेनमेन्टद्धारा आयोजित सौन्दर्य प्रतियोगिता मिसेस नेपाल वर्ल्ड-२०२४ को आवेदन खुल्ला भएको जानकारी हिजो बिहीबार राजधानीमा पत्रकार भेटघाट गर्दै आयोजकले र्दिएको छ ।
आयोजक संस्थाका अध्यक्ष निशुकान्त झाले मिसेस नेपाल वर्ल्ड-२०२४ आगामी कात्तिक १० गते कमलादी स्थित नेपाल प्रज्ञा प्रतिष्ठानमा हुने तथा उक्त प्रतियोगिताको पहिलो चरणको अडिसन आउँँदो भदौ ८ गते नयाँ बानेश्व स्थित अर्याल इन्टरनेशनल होटलमा हुने जानकारी गराए ।
मिसेस नेपाल वर्ल्डको विजेताले यो पटक पनि अमेरिकामा हुने मिसेस वल्र्डमा सहभागिता जनाउने अवसर पाउने अध्यक्ष झाले जनाए। सोही मञ्चमा मिसेस नेपाल इन्टरनेशनल र एमएस इन्टरनेसनल उपाधि विजेता समेत चयन गरिने छ। ‘यस पटक हामी केही परिमार्जित र फरक किसिमले कार्यक्रम गर्नेछौं। जुन, महिला सशक्तिकरणका लागि उपलब्धिमुलक कार्यक्रम सावित हुनेछ,’ अध्यक्ष झाले भने।
आयोजक संस्थाका अनुसार मिसेस नेपाल इन्टरनेसनल र एमएस इन्टरनेसनलको विजेतालाई सिंगापुरमा हुने प्रतियोगितामा सहभागिताको लागि अवसर मिलाइएको छ।