फिल्म ‘पूर्ण बहादुरको सारंगी’को नयाँ गीत ‘चरी’ सार्वजनिक
काठमाडौँ । नेपालमा हाल व्यावसायीक रुपमा सफल बनेको फिल्म ‘पूर्ण बहादुरको सारंगी’ को नयाँ ‘चरी’ बोलको गीत सार्वजनिक भएको छ ।
सेभेन सिस्स सिनेमा युट्युबमार्फत सार्वजनिक भएको गीत ‘चरी’मा पुष्पन प्रधान र विज्ञानी पराजुलीले स्वर दिएका छन् । शब्द र संगीत प्रशान्त शिवाकोटीको छ भने एरेञ्ज विशम आचार्यले गरेका छन् ।
सरोज पौडेलले निर्देशन गरेको फिल्म ‘पूर्ण बहादुरको सारंगी’मा विजय बराल, प्रकाश सपुत, अञ्जना बराइली, मुकुन भुसाल, बुद्धि तामाङ, माओत्से गुरूङलगायत कलाकारले अभिनय गरेका छन् ।
लक्ष्मी पूजाको दिन पारेर प्रदर्शन भएको फिल्मले ३५ करोडभन्दा बढी ग्रस कलेक्सन गरीसकेको छ । नेपालमा सर्वाधिक व्यापार गर्ने चलचित्र, धेरै सो पाउँने लगाएत विभिन्न रेर्कड बनाउँन सफल चलचित्र अहिले पनि कतिपय हलहरुमा प्रर्दशन भईरहेको छ ।
‘चरी’ बोलको गीत