दरबारमार्गमा प्रधानमन्त्रीकै अगाडि बालेनको पक्षमा हुटिङ
काठमाडौं । काठमाडौंस्थित दरबारमार्गमा बिहीबार साँझ आयोजना गरिएको नेसनल डे कन्सर्ट अवलोकनका लागि प्रधानमन्त्री केपी शर्मा ओली पुगेका बेला काठमाडौं महानगरपालिकाका मेयर बालेन शाहको पक्षमा हुटिङ भएको छ । प्रधानमन्त्री ओलीले स्टेजमा उक्लिएर संविधान दिवसको शुभकामना दिएका थिए । त्यसक्रममा बालेनका समर्थकहरूले बालेन, बालेन भनेर हुटिङ गरेका हुन् ।
स्टेजबाटै ओलीले सहभागीहरूसँग सेल्फी पनि लिएका थिए । पछिल्लो समयद जात्रा तथा विशेष समारोहमा बालेनका समर्थकहरूले राष्ट्रपति, प्रधानमन्त्रीसहित शीर्ष दलका नेताहरू पुगेका बेला बालेनको पक्षमा हुटिङ गर्दै आएका छन् । पछिल्लोपटक भोटोजात्रा, गौरा पर्व, इन्द्रजात्रासहितका समारोहमा देशका शीर्ष नेताहरू पुगेका बेला बालेनको पक्षमा हुटिङ तथा नाराबाजी भएको थियो ।