मन्त्रिपरिषद् बैठकले स्वीकृत गर्यो प्रधानमन्त्रीको मंसिर ६ र ७ गतेको भारत भ्रमण
काठमाडौं । मन्त्रिपरिषद् बैठकले प्रधानमन्त्री वालेन्द्र साहको यही मंसिर ६ र ७ गते हुने भारत भ्रमण स्वीकृत गरेको छ । मन्त्रिपरिषद्को शुक्रबार बसेको बैठकले प्रधानमन्त्री नेतृत्वको भ्रमणका लागि नेपाली प्रतिनिधिमण्डल गठन गरेको सूचना तथा सञ्चारमन्त्री डा. विक्रम तिमिल्सिनाले जानकारी दिए ।
प्रधानमन्त्रीको नेतृत्वमा ३४ सदस्यीय टोली भारत जाने
काठमाडौं । प्रधानमन्त्री वालेन्द्र साहको नेतृत्वमा ३४ सदस्यीय नेपाली प्रतिनिधिमण्डल भारत भ्रमणमा जाने भएको छ । परराष्ट्र मन्त्रालयमा शुक्रबार आयोजित पत्रकार सम्मेलनमा परराष्ट्र सचिव अमृतबहादुर राईले प्रधानमन्त्रीको भ्रमण टोलीमा ३४ जना सदस्य रहने जानकारी दिएका हुन् । प्रधानमन्त्री साहसहितको उक्त प्रतिनिधिमण्डल मंसिर ६ गते भारत प्रस्थान गर्दै छ । प्रतिनिधिमण्डलमा अर्थमन्त्री डा. स्वर्णिम वाग्ले, परराष्ट्रमन्त्री शिशिर खनाल, प्रधानमन्त्रीका प्रमुख सल्लाहकार कुमार बेन्जनकारलगायत नेपाल सरकारका वरिष्ठ अधिकारी सहभागी हुनेछन् । भ्रमणका क्रममा प्रधानमन्त्री साहले भारतका राष्ट्रपति द्रौपदी मुर्मुसँग शिष्टाचार भेट गर्ने कार्यक्रम छ । साथै, प्रधानमन्त्री नरेन्द्र मोदीसँग प्रतिनिधिमण्डलस्तरीय वार्ता गर्ने कार्यक्रम तय भएको छ । मोदीले प्रधानमन्त्री साहको सम्मानमा दिवाभोजको आयोजना गर्नेछ ।


















